Ǵylym jáne ınnovatsııa statıstıkasyn jetildirý máseleleri talqylandy
ASTANA. 11 qańtar. QazAqparat - Qazaqstan Respýblıkasy Statıstıka agenttiginde ǵylym jáne ınnovatsııalar statıstıkasyn jetildirýge arnalǵan dóńgelek ústel ótti.
Qazaqstan Respýblıkasy Statıstıka agenttigi tóraǵasynyń orynbasary J. Jarqynbaevtyń tóraǵalyǵymen ótken jıynǵa QR Indýstrııa jáne jańa tehnologııalar, qorshaǵan ortany qorǵaý, qorǵanys, munaı jáne gaz mınıstrlikteriniń, «Qazaq munaı jáne gaz ınstıtýty» AQ-nyń, «QazAgroInnovatsııa» AQ-nyń, «Zerde» UIH» AQ-nyń, «Parasat» UTH» AQ-nyń jáne «Nur Otan» HDP-nyń ókilderi, Astana jáne Almaty qalalarynyń bıznes ókilderi qatysty.
Shara barysynda ǵylym jáne ınnovatsııalar statıstıkasynyń aǵymdaǵy jaǵdaıy jáne onyń damýynyń bolashaqqa arnalǵan negizgi baǵyttary boıynsha máselelerdi, sondaı-aq kásiporyndardy ınnovatsııa statıstıkasy boıynsha eseptilikpen qamtý, respondentterdiń statıstıkalyq eseptilikti toltyrý sapasy talqylandy. Qatysýshylar Statıstıka agenttiginiń ǵylym jáne ınnovatsııalar statıstıkasyn qalyptastyrý boıynsha halyqaralyq standarttarǵa sáıkestigine qatysty jumysqa nazar aýdardy. Sonymen qatar, 2013 jylǵa arnalǵan ǵylym jáne ınnovatsııalar statıstıkasyn jetildirý boıynsha is-sharalar josparynyń jobasy talqylanyp, ony pysyqtaý boıynsha usynystar jasaldy. Dóńgelek ústel otyrysynda 2013 jyly Statıstıka agenttiginde qurylǵan jumys toby otyrystarynda ǵylym jáne ınnovatsııalar statıstıkasy máselelerin talqylaý uıǵaryldy. Qatysýshylar, sondaı-aq ǵylym jáne ınnovatsııa statıstıkasy máseleleri boıynsha respondentter men paıdalanýshylardy oqytý qajettiligin atap ótti. Bul Statıstıka agenttiginiń ǵylym jáne ınnovatsııa statıstıkasyn jetildirý sheńberindegi qyzmeti baǵyttarynyń biri bolyp tabylady.
