Ǵylym salasynyń zııalylary N. Nazarbaevtyń kandıdatýrasyn qoldaıdy
ALMATY. 17 aqpan. QazAqparat /Erbol Azanbek/ - Qazaqstannyń ǵylym salasyndaǵy zııalylary «Nur Otan» HDP-nyń Elbasy Nursultan Nazarbaevtyń kandıdatýrasyn merizimen buryn ótetin Prezıdenttik saılaýǵa úmitker retinde usynǵanyn qoldaıdy.
Búgin Almatyda QR UǴA bir top múshesi brıfıng ótkizip, osyndaı málimdeme jasady.
"Elbasynyń Semeı ıarolyq polıgonyn jaýyp, ıadrolyq qarýdan bas tartýy onyń bolashaqty boljaı biletin tulǵa ekendigin kórsetedi. Kezinde osy eńbegi úshin ǵana Nobel syılyǵyn alýy tıis edi. Elbasynyń álem elderi arasynda birinshi bolyp halyqtar Asambleıasyn qurýy men Álemdik dinder basshylarynyń sezdin ótkizýi erekshe qurmetteýge turarlyq. Sondyqtan men Elbasynyń kandıdatýrasyn qoldaımyn»,- dedi QR UǴA akademıgi Nádir Nádirov.
Akademık Salahaddın Sábikenovtyń aıtýynsha, Elbasy eldiń damýyna qajetti negizgi úsh salaǵa - bilim berý salasyna, tilderdi damytýǵa, densaýlyq saqtaý salasyna erekshe kóńil bólip otyr. «Damyǵan elderdiń barlyǵy da osy úsh salaǵa kóńil bólýdiń arqasynda damydy. Bul turǵyda alǵanda Nursultan Ábishulynyń kóregendiligin aıtýǵa bolady. Sondyqtan «Nur Otan» HDP-nyń bastamasyn qoldaımyn»,- dedi akademık.
Áriptesterin QR UǴA Prezıdenti Murat Jurynov, akademıkter Edil Erǵojın, Ómirzaq Aıtbaı, Igor Nechaev, Alshynbaı Raqyshev qoldaıtyndyqtaryn bildirdi.
