Ǵylym salasyndaǵy jas ǵalymdar aldymen tabıǵat zańdylyqtaryn tanı bilýleri kerek - N.Nádirov
ALMATY. Qyrkúıektiń 16-y. QazAqparat /Ádilet Musahaev/ - Ǵylym salasynda jumys istep júrgen jas ǵalymdar aldymen tabıǵat zańdylyqtaryn tanı bilýleri kerek.
QR UǴA-nyń akdemıgi Nádir Nádirov óziniń 8-shi oqylymynda osylaı aıtty.
Ǵalym jaratýshy jer álemin keremet úılesimdilikpen jaratqanyn jáne osy úılesimdilikti biz tanyǵanda ǵana tyń jańalyqtardy dúnıege ákeletindigimizdi aıtady. «Jer demalady. Kerilip qaıta tartylady. Jerdiń tartylǵan kezinde munaıdy sorý jeńil júretindigin munaıshy retinde aıta alamyn. Al kerilgen kezinde ony sorý jumystary qıynǵa túsetindigi belgili», deıdi akademık.
N.Nádirov osy máseleni óziniń 5-shi oqýlarynda kótergendigin jáne bul jaıynda dáıekti derekter bolmaǵandyǵyn aıtady. Tipten osy paıymdaýyn munaıshylarǵa, seısmologtarǵa jáne taǵy basqa ókiletti oryndarǵa da jetkizgen. Bári oısha solaı bolatyndyǵyn, biraq derek joqtyǵyn alǵa tartqan.
Al búgin akademık osy jaıtqa baılanysty júrgizgen zertteý jumystarynyń qorytyndysymen tanystyryp, jerdiń demalatyndyǵyn dáleldeıtin derekterge qol jetkigendigin aıtty. "Osy zertteý jumystaryn ǵylymǵa engizetin bolsaq, munaı alý jumystary tıimdi júrer edi", deıdi N.Nádirov.
