Ǵylym mınıstrligi ýnıversıtetterdegi oqý qunyna taldaý jasady

ASTANA. QazAqparat – QR Ǵylym jáne joǵary bilim mınıstrligi elimizdiń ýnıversıtetterinde oqý baǵasyna taldaý júrgizildi. Nátıjesinde oqý qunynyń kúrt ósýi tirkelmegen, dep habarlaıdy QazAqparat tilshisi.

«Ýnıversıtetterdegi oqý qunyna qatysty másele mezgil saıyn týyndap turady. Biz bıyl jáne ótken jyly oqý aqysyna taldaý jasadyq. Biz únemi monıtorıng júrgizip otyramyz jáne ınflıatsııalyq kórsetkishter sheginde qunnyń kóterilip jatqanyn kórip otyrmyz. Ótken jyly bul shamamen 14-16 paıyz boldy. Mindetti ınflıatsııany eskere otyryp, biz baǵanyń kúrt ósýin baıqamadyq. Bul rette biz sapaly bilim berý – oqytýshylarǵa laıyqty jalaqy tóleý arqyly ǵana qamtamasyz etiletinin túsinýimiz kerek», - QR Ǵylym jáne joǵary bilim vıtse-mınıstri Qýanysh Erǵalıev.

Budan ózge, Ortalyq kommýnıkatsııalar qyzmetinde ótken brıfıngte vıtse-mınıstr «dıplom taratýmen» aınalysyp kelgen 15 ýnıversıtet jabylǵanyn málim etti. Taǵy 5 oqý ornyn jabý boıynsha sot protsesi júrip jatyr.