Ǵylym men tehnıka salasyndaǵy memlekettik syılyqty berý komıssııasynyń qorytyndy otyrysy ótti

ASTANA. 10 qazan. QazAqparat - Búgin Aqordada QR Memlekettik hatshysy Marat Tájın 2013 jylǵy ǵylym men tehnıka salasyndaǵy memlekettik syılyqty berý komıssııasynyń qorytyndy otyrysyn ótkizdi.

Otyrys barysynda Memlekettik hatshy Qazaqstannyń memlekettik syılyǵy ǵylym men tehnıka salasyndaǵy ǵalymdardyń memleket pen qoǵam aldyndaǵy zor qyzmetiniń tanylýy bolatyndyǵyn basa aıtty.

Elimizdiń aǵymdaǵy jylǵy ǵylym men tehnıka salasyndaǵy memlekettik syılyǵyna 19 jumys usynylyp otyr. Atalǵan jumystar buqaralyq aqparat quraldarynda jarııalanyp, qoǵamnyń keńinen talqylaýyna múmkindik berilgen edi. Talqylaý barysynda úsh júzden astam, onyń ishinde sheteldik ǵalymdardan 116 pikir kelip túsken.

Syılyqqa usynylǵan jumystarǵa berilgen pikirler men retsenzııalar sarapshylar keńesiniń sektsııalyq otyrystarynda keńinen qaralǵan bolatyn. Al búgingi qorytyndy jıyn barysynda Memleket basshysynyń qaraýyna usynylatyn úsh jumys bekitiletin bolady.

Aıta keteıik, memlekettik syılyqtyń laýreattaryna syılyq Táýelsizdik kúni qarsańynda tabys etiledi.