Ǵylym men tehnıka salasyndaǵy QR Memlekettik syılyǵyn berý jónindegi komıssııa usynylǵan jumystardyń aldyn ala irikteýden ótken tizimin bekitti

ASTANA. 12 maýsym. QazAqparat - Búgin Aqordada Qazaqstan Respýblıkasynyń Memlekettik hatshysy Marat Tájınniń tóraǵalyǵymen Ǵylym jáne tehnıka salasyndaǵy Qazaqstan Respýblıkasy Memlekettik syılyǵyn berý jónindegi komıssııanyń otyrysy ótti.

Otyrysta 2013 jylǵy Ǵylym men tehnıka salasyndaǵy Qazaqstan Respýblıkasy Memlekettik syılyǵyn alý úshin usynylǵan jumystar boıynsha Komıssııa janyndaǵy sektsııa usynymdary men memlekettik ǵylymı-tehnıkalyq saraptama qorytyndysy qaraldy.

Jınalǵandardy sektsııanyń usynymdary men memlekettik ǵylymı-tehnıkalyq saraptama qorytyndysy týraly Komıssııa hatshysy - Bilim jáne ǵylym vıtse-mınıstri M.Orynhanov habardar etti.

Mynadaı baǵyttar boıynsha sektsııa tóraǵalary usynymdarmen tanystyrdy: medıtsınalyq, bıologııalyq jáne aýyl sharýashylyǵy ǵylymdary, qoǵamdyq-gýmanıtarlyq ǵylymdar, tehnıkalyq jáne geografııalyq ǵylymdar, sondaı-aq, fızıka-matematıka ǵylymdary.

2013 jylǵy Ǵylym jáne tehnıka salasyndaǵy Qazaqstan Respýblıkasynyń Memlekettik syılyǵyn alý úshin barlyǵy 19 jumys kelip tústi.

Komıssııa syılyqty alýǵa usynylǵan jumystardyń aldyn ala irikteýden ótken tizimin bekitý týraly sheshim qabyldady. Ol keńinen qoǵamdyq talqylaý úshin «Egemen Qazaqstan» jáne «Kazahstanskaıa pravda» gazetteriniń taıaýdaǵy nómirlerinde jarııalanady.

Sektsııa jetekshilerine ekinshi kezeńde Komıssııa otyrysynda aıtylǵan usynystardy, sondaı-aq, buqaralyq aqparat quraldaryndaǵy talqylaýlardy eskere otyryp, aldyn ala irikteýden ótken jumystardy qarastyrý jáne odan ári qaraý úshin 2013 jylǵy 10 tamyzda qosymsha materıaldardy usyný tapsyryldy.