Ǵylym men tehnıka salasynda memlekettik syılyqty ıelenýge 19 jumys usynylyp otyr
Otyrysta ǵylym men tehnıka salasyndaǵy memlekettik syılyqty ıelený úshin tapsyrylǵan jumystar boıynsha sektsııa usynymdary men memlekettik ǵylymı-tehnıkalyq saraptamalar qorytyndysy qaraldy. Sektsııa usynymdary men ǵylymı-tehnıkalyq saraptama qorytyndysy boıynsha Bilim jáne ǵylym vıtse-mınıstri, komıssııa hatshysy M. Orynhanov tanystyrdy.
Budan bólek, sektsııa tóraǵalary birqatar usynymdarmen tanystyryp ótti. Atap aıtqanda, medıtsınalyq, bıologııalyq jáne aýyl sharýashylyǵy ǵylymdary, qoǵamdyq-gýmanıtarlyq ǵylymdar, tehnıkalyq jáne geografııalyq ǵylymdar, fızıka-matematıkalyq ǵylymdar jóninde usynystar talqylandy.
Jalpy alǵanda, 2013 jylǵy ǵylym men tehnıka salasyndaǵy Qazaqstan Respýblıkasynyń memlekettik syılyǵyn alý úshin barlyǵy 19 jumys túsken. Komıssııa aǵymdaǵy jylǵy memlekettik syılyqty alýǵa tapsyrylǵan jumystardyń ishinen aldyn ala irikteýden ótkenderiniń tizimin bekitý týraly sheshim qabyldady. Bul jumystardyń tizimi keńinen qoǵamdyq talqylaýǵa shyǵarý úshin «Egemen Qazaqstan» jáne «Kazahstanskaıa pravda» gazetterine jarııalanatyn bolady.
