Ǵylym men óndiris arasyndaǵy baılanysty arttyrý úshin jol kartasy ázirlenbek - vıtse-premer
«Memleket basshysy bergen taǵy bir tapsyrma qazaqstandyqtar men sheteldik jumysshylardyń jalaqysyn, eńbek jaǵdaıyn teńestirý jaıynda boldy. Oǵan qatysty biz zań jobasyn daıyndadyq. Qazir zań jobasy Májiliste qaralyp jatyr. Kelesi másele jumys berýshilerdiń jaýapkershiligin arttyrý úshin zańnamaǵa da ózgeris engizý kerek. Bul baǵyttaǵy zań jobasy da Májiliste qaralyp jatyr. Ony ary qaraı depýtattarmen pysyqtaımyz», - dedi Úkimet basshysynyń orynbasary.
Sonymen qatar ol jergilikti bılik ókilderimen birge barlyq joǵary oqý oryndarynyń sapasyna, elimizge qansha muǵalim kerektigine taldaý jasalyp jatqandyǵyn, aldaǵy ýaqytta usynys engiziletindigin aıtty.
«Kelesi tapsyrma joǵary oqý oryndarynyń akademııalyq derbestigin arttyrý jóninde boldy. Bul baǵytta da jumys jasap jatyrmyz. Tıisti usynys engizemiz. Ǵylym men óndiris arasyndaǵy baılanysty arttyrý boıynsha tıisti jol kartasyn daıyndap jumys isteımiz. Jalpy Memleket basshysynyń tapsyrmalary der kezinde ári sapaly oryndalady», - dedi Berdibek Saparbaev.
