Ǵylym men bilim salasyn tsıfrlandyrý qarqyny qandaı – vıtse-mınıstr jaýaby

ASTANA. QazAqparat – Ortalyq kommýnıkatsııalar qyzmetinde ótken brıfıngte Ǵylym jáne joǵary bilim vıtse-mınıstri Kamıl Aqatov tsıfrlyq ekojúıe arqyly ǵylym men bilim salasyn qalaı jetildirýge bolatynyn aıtty, dep habarlaıdy QazAqparat tilshisi.

«Tsıfrlandyrý boıynsha negizgi bastamalardy oryndaý maqsatynda mınıstrlik tıisti jumystar júrgizýde. Bul baǵyttaǵy basymdyq ǵylym men joǵary bilimniń sapaly tsıfrlyq ekojúıesin qalyptastyrýǵa múmkindik beretin bastamalarǵa beriledi. Atap aıtqanda, qazirgi kezde qoldanysta otyrǵan barlyq aqparattyq júıelerdi birizgilendirý», - dedi Kamıl Aqatov.

Onyń aıtýynsha, ekojúıe platformasyn qura otyryp, joǵary bilim berý júıesiniń derekter muraǵatyn qalyptastyrýǵa bolady. Sondaı-aq, engiziletin jańashyldyqtar arqyly mınıstrlik joǵary bilim jáne ǵylym salasyna jasalatyn monıtorıngi qyzmetin jetildirýge múmkindik almaq.

Qosa ketsek, buǵan deıin vıtse-mınıstr elimizdegi bir joǵary oqý ornynyń bazasynda «Tsıfrlyq ýnıversıtet» modelin engizý boıynsha aıryqsha joba iske asyrylatynyn aıtqan bolatyn.