«Ǵylym qory» tóraǵasynyń orynbasary Damır Egizbaev ómirden ozdy

ASTANA. QazAqparat – Ǵylym jáne joǵary bilim mınıstrligine qarasty «Ǵylym qory» AQ basqarma tóraǵasynyń orynbasary Damır Egizbaev 43 jasqa qaraǵan shaǵynda qaıtys boldy. Bul týraly mınıstr Saıasat Nurbek óziniń áleýmettik jelidegi resmı paraqshasynda jazdy, dep habarlaıdy QazAqparat tilshisi.

«Búgin «Ǵylym qory» AQ Basqarma tóraǵasynyń birinshi orynbasary Damır Egizbaevtyń mezgilsiz ómirden ozǵany týraly qaraly habar jetti. Biz Damır Altynbekulyn árqashanda asa meıirimdi, aqjarqyn ári óz isiniń kásipqoı mamany retinde eske alatyn bolamyz. Mınıstrlik ujymy atynan marqumnyń týǵan-týystary men jaqyndarynyń qaıǵylaryna ortaqtasyp, kóńil aıtamyn», - dep jazdy Saıasat Nurbek óziniń Facebook paraqshasynda.

Damır Altynbekuly 1980 jyly 29 shildede Almaty qalasynda dúnıege kelgen. Ol ár jyldary «Injırıng jáne tehnologııalar transferti ortalyǵy» AQ-da menedjer, bas menedjer, departament dırektory, «QazAgroInnovatsııa» AQ departamentiniń dırektory, «Agroónerkásiptik keshendegi ekonomıkalyq saıasattyń taldaý ortalyǵy» JShS Bas dırektorynyń orynbasary qyzmetterin atqarǵan.

Foto: facebook.com/sayasat