«Ǵylym qory» AQ basqarma tóraǵasy para aldy degen kúdikke ilindi

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi «Ǵylym qory» AQ basqarma tóraǵasynyń para alý faktisin rastady, dep habarlaıdy QazAqparat tilshisi.

«Ol respýblıkadaǵy joǵary oqý oryndarynyń biriniń rektorynan ǵylymı jobalardy qarjylandyrý jáne jalpy bolysqany úshin 5 myń dollar somasy kóleminde para aldy degen kúdikke ilikti. Kúdikti qamaýǵa alynbady, sebebi ol óz kinásin tolyq moıyndady jáne tergeýmen yntymaqtastyq jasap jatyr», - dedi QR Sybaılas jemqorlyqqa qarsy is-qımyl agenttigi qoǵammen baılanys departamentiniń dırektory Arman Berdalın brıfıngte.

Onyń aıtýynsha, tergeý jalǵasyp jatyr.