Ǵylym komıteti Qazaqstandaǵy 1,5 myń joba týraly aqparat taratady
ASTANA. QazAqparat - QR Bilim jáne ǵylym mınıstrliginiń Ǵylym komıteti óz saıtyn jańartty. Bul týraly Bilim jáne ǵylym vıtse-mınıstr Aslanbek Ámrın Facebook paraqshasyna jazdy, dep habarlaıdy QazAqparat.
«Biz saıtta jarııalanatyn kontenttiń tujyrymdamasyn ózgertý týraly sheshim qabyldadyq»,-dep jazdy ol.
Vıtse-mınıstrdiń aıtýynsha, komıtettiń saıtynda 18 vedomstvolyq uıym júzege asyratyn jobalardyń qarjysy týraly aqparat jarııalanady. Jáne de osy jobalardyń bıýdjeti men aldyn ala nátıjesi qosa taratylmaq. Jýyq arada qarjylandyrýǵa ıe bolǵan 1500 joba týraly tolyq aqparat jarııalanady.
Sonymen qatar, komıtet saıtty birneshe bólimge bólip, komıtet daıyndaıtyn zań jobalary men tujyrymdamalardy talqylaıdy.
«Eshkimniń de pikiri qaraýsyz qalmaıtynyna ýáde beremin. Jumys barysynda óte qajetti pikirlerdi paıdalanamyz»,-dep jazǵan vıtse-mınıstr.
