Ǵylym komıteti Esep komıtetiniń eskertpesin qoldanystaǵy zańnamanyń qaıshylyqtarymen túsindirdi
ASTANA. QazAqparat - QR BǴM Ǵylym komıteti ǵylymı jáne ǵylymı-tehnıkalyq qyzmetti qarjylandyrýǵa arnalǵan bıýdjettik ótinimderdi jyl saıyn 2011 jyly qabyldanǵan «Ǵylym týraly» zańǵa sáıkes qalyptastyrady, dep habarlady edu.gov.kz.
Atap aıtqanda, bul zańda aldaǵy qarjy jylyna arnalǵan bıýdjet bekitilgennen keıin konkýrsty ótkizý men ǵylymı jobalardy irikteý qarastyrylady (QRÚQ №575 25.05.2011j.). Sonymen qatar, bıýdjet zańnamasyna sáıkes bıýdjet ótinimin engizý úshin oǵan saraptamadan ótken ǵylymı jobalar qosylady. Osylaısha bıýdjettik ótinimderdi engizý men jobalardy tańdaý jumystary ýaqyt boıynsha túıise almady. QR BǴM Ǵylym komıtetiniń 2013 jyldyń naýryz aıyndaǵy 29,9 mlrd.teńge bıýdjettik ótiniminiń quramynda ǵylymı jobalardy qarjylandyrýǵa qarastyrylǵan bolatyn. Sondaı-aq osyǵan uqsas jaǵdaı Aýyl sharýshylyǵy mınıstrliginde (12 mlrd. teńge) jáne Investıtsııalar jáne damý mınıstrliginde (2,2 mlrd.teńge) oryn alǵan. Atalǵan sáıkessizdikterdi joıý maqsatynda Ǵylym komıteti 2014-2016 jyldarǵa bıýdjettik ótinimderdi bıýdjettik zańnama normasyna sáıkes keltirdi. Qazirgi tańda 2012-2014 jyldardaǵy ǵylymı zerteýlerdiń, ǵylymı-tehnıkalyq jáne ınnovatsııalyq jobalar men baǵdarlamalardyń nátıjeliligi men iske asyrylý barysyna monıtorıng júrgizý jumystary aıaqtalýda. Ǵylym komıteti ǵylymı uıymdar men ǵalymdardyń ǵylym jáne ǵylymı-tehnıkalyq qyzmetin reıtingilik baǵalaýdyń jańa júıesin engizýde. Ulttyq ǵylymı keńester quramyn qalyptastyrý qaǵıdalaryn jáne olardyń qyzmetterin retteıtin normatıvtik-quqyqtyq aktilerge ózgerister engizilýde. Sonymen qatar, múddeler qaqtyǵysyn boldyrmaý úshin keńes músheleriniń quramyn qaıta qaraý josparlanýda. Munymen qosa mınıstrlik QR Parlamentiniń Májilisine ǵylymı jáne ǵylymı-tehnıkalyq qyzmet nátıjelerin óndiriske engizýdi kózdeıtin «Kommertsııalandyrý týraly» Zańynyń jobasyn ázirlep engizdi.
