Ǵylym kandıdaty dárejesi 10 myń dollarǵa baǵalanyp, deldal para berý ústinde ustaldy
ASTANA. 27 maýsym. QazAqparat - Búgin Astana qalalyq ekonomıkalyq jáne sybaılas jemqorlyqqa qarsy kúres departamentinde ótken brıfıngte QR Bilim jáne ǵylym mınıstrligi Bilim salasyndaǵy baqylaý komıtetiniń
Ǵylymı kadrlardy daıyndaý jáne baqylaý boıynsha basqarmasynyń bastyǵy Smaıylovaǵa berýge arnalǵan aqsha qarajattarymen deldaldyń qylmys ústinde qolǵa túsýiniń beıne materıalyn kórsetildi. Bul aqparatty atalǵan vedomstvonyń baspasóz qyzmeti taratyp otyr.
Smaıylova izdenýshiden zań ǵylymdarynyń kandıdaty dıplomyn alýda kómek kórsetý úshin 10 myń dollar somasynda para berýdi bopsalaǵan. Astana qalasy boıynsha qarjy polıtsııasy departamentine shaǵymdanǵan azamat ózine tıesili dıplomdy jáne «Zań ǵylymdarynyń kandıdaty» ǵylymı dárejesin bir jyl ishinde ala almaı júrgen. Keıinnen Smaıylova para mólsherlemesin 10-nan 5 myń AQSh dollaryna deıin azaıtqan.
Aǵymdaǵy jyldyń 23 maýsymynda deldal arqyly 2 myń AQSh dollary somasynda bastapqy parany alǵannan keıin Smaıylova ustaldy.
Sol kúni para alý faktisi boıynsha Smaıylovaǵa qatysty qylmystyq is qozǵaldy jáne laýazymdy tulǵanyń para alý deregi boıynsha aıyp taǵyldy.
25 maýsymda januıa jaǵdaıyna, kishkentaı balanyń bar bolýyna jáne kinásin tolyq moıyndaýyna baılanysty Smaıylovaǵa qatysty eshqaıda ketpeý týraly tilhatqa qol qoıý bultartpaý sharasy taǵaıyndaldy.
