ǴYLYM: Banan aqýyzynan jasalǵan dári vırýstarǵa tótep bere alady
ASTANA. QazAqparat - Ǵalymdar banan quramyndaǵy aqýyzdyń vırýstarmen kúrese alatynyn anyqtady. Bul eń aldymen AITV (aǵzadaǵy ımmýn tapshylyǵy vırýsy), tumaý jáne S gepatıtine qatysty bolyp otyr.
Másele aǵzalar men vırýstardyń syrtynda ornalasqan qantty «esepteýge» qabiletti banan lektıni týraly bolyp otyr. Zerttýge túrli elden 26 ǵalym qatysqan.
Olar banan aqýyzynyń vırýstarǵa qarsy qalaı jumys isteıtinin anyqtaý úshin birneshe jyl ýaqyt jumsaǵan. Ǵylymı mamandar aqýyzdyń AITV vırýsynyń aǵzaǵa enýin ustap tura alatynyn anyqtady. Bul rette jaǵymsyz áser týyndamaıdy.
Endi jańa formýla qurylyp, eksperımentter kemirgishterge jasalyp otyr. Olarda osyndaı erekshe dárige oń reaktsııa baıqalyp, sondaı-aq JITS jáne tumaýdan saýyǵyp ketý oqıǵasy tirkelgen.
Aqýyzdyń jańa nusqasy N84T dep ataldy. Ol genniń az ǵana aýysýy arqyly alynǵan. Ǵalymdar onyń paıdaly qasıetterin anyqtap, búginde banan negizinde dári jasap shyǵarýǵa árekettenip otyr.
