Gvıneıany Ebola qandy bezgegi qysyp tur
ASTANA. QazAqparat - Batysafrıkalyq Gvıneıa memleketinde Ebola qandy bezgeginen 59 adam qaza tapty, dep habarlady Lenta.ru.
Bezgek indeti eldiń ońtústiginde, Serra-Leonmen shekaraǵa taqaý aýmaqta keńinen taraýda. Sońǵy málimetterge qaraǵanda, bul dertke shaldyqqandar sany 80 adamǵa jetkendigi belgili. 22 naýryz kúni Gvıneıanyń ońtústiginde Ebola qandy bezgegi indetiniń taralyp otyrǵandyǵy belgili boldy. Aıta keterligi, bul aýrý aǵymdaǵy jyldyń aqpan aıynda-aq qylań bergen edi. Degenmen, sol kezde jergilikti dárigerler aýrýdyń naqty ne ekendigin aıqyndaı almaǵan bolatyn. Al onyń Ebola bezgegi ekendigi frantsýzdyqdar bodandyǵyndaǵy Lıondaǵy zerthanada anyqtalyp otyr. Ebola bezgegi belgilerine uqsas aýrý kórshiles Serra-Leon elinde de baıqalyp otyr. Jergilikti densaýlyq saqtaý mınıstrligi ókiliniń sózine qaraǵanda, Serra-Leonde indettiń eki el shekarasynan ótýi múmkinshiligin anyqtaýǵa baǵyttalǵan zertteý sharalary júrgizilýde. Aıta keteıik, Ebola qandy bezgegi 1976 jyly Sýdan men Zaır memleketteriniń aýmaǵynda alǵash ret anyqtalǵan bolatyn. Bul dertke shaldyqqandardyń 90 paıyzy tiri qalmaıtyny belgili.
