Gvıneıada Rejep Taıyp Erdoǵan atyndaǵy meshit ashyldy

ASTANA. KAZINFORM — Túrkııa prezıdenti meshittiń ashylý rásimine onlaın rejımde qatysty, dep habarlaıdy Anadoly.

Режеп Тайып Ердоған
Фото: Анадолы

Túrkııa prezıdenti Rejep Taıyp Erdoǵan beınekonferentsııa rejıminde Gvıneıa astanasy Konakrıde onyń atymen atalǵan meshittiń ashylý saltanatyna qatysty. Túrik kóshbasshysy is-sharaǵa Ystambuldaǵy Dolmabahche rezıdentsııasynan qosyldy.

Meshittiń irgetasy 2023 jyly qalandy. Qurylys 3,2 myń sharshy metr aýmaqty alyp jatyr. Munda bir ýaqytta 2,1 myń adam namaz oqı alady.

Memleket basshysy «meshitter — tek tas pen arnaıy eritindiden turǵyzylǵan qurylystar ǵana emes, aqyl, senim men ar-ojdan arqyly turǵyzylǵan týyndylar» ekenin atap ótti.

Ol Rejep Taıyp Erdoǵan meshiti Túrkııa men Gvıneıa halyqtary arasyndaǵy baýyrlastyqtyń sımvolyna aınalatynyna senim bildirdi.

— Búgin biz meshitti ashyp qana qoımaı, júrekten júrekke ótetin baýyrlastyq kópirin ornattyq, — dedi ol.

Prezıdent «meshit óziniń sáýletimen, oıý-órnegimen tań qaldyratynyn» atap ótti.

— Osman meshitteriniń arhıtektýrasynan birtutas kólem men ǵımaratqa japsarlas jabyq galereıa áserin qamtıtyn bul týyndynyń kómegimen biz túrik-ıslam dástúriniń baı sándik motıvterin onyń barlyq úılesimdiliginde kórsetýge tyrystyq, — dedi ol.

Túrik memleketiniń basshysy meshit qurylysynyń jobasyn júzege asyrýǵa úles qosqandardyń barlyǵyna alǵysyn bildirdi.

Aıta keteıik, Túrkııada sońǵy jyldardaǵy eń iri úkimetke qarsy sherýler alty kún boıy jalǵasyp jatyr. Buǵan deıin Erdoǵan «arandatýshylyqty toqtatýǵa» shaqyrdy.

Сейчас читают