Gvıneıada prezıdent saılaýy ótedi
ASTANA. KAZINFORM — Afrıkanyń batysyndaǵy Gvıneıada prezıdent saılaýy ótedi, dep habarlaıdy BELTA.
Jergilikti SABC radıostantsııasynyń habarlaýynsha, saılaýǵa 9 kandıdat qatysyp jatyr. Onyń ishinde basty úmitker - qazirgi ýaqytsha memleket basshysy Mamadı Dýmbýıa. Ol táýelsiz kandıdat retinde saılaýǵa túsip jatyr. Biraq «Zamanaýı jáne damý úshin urpaq» qozǵalysynyń qoldaýyna ıe. Onyń basty básekelesi burynǵy Joǵary bilim jáne ǵylymı zertteýler mınıstri (ol bul qyzmetti 2015 jyldan 2020 jylǵa deıin atqarǵan), Gvıneıanyń Demokratııalyq maıdany oppozıtsııalyq partııasynan usynylǵan Abdoýlae Iero Balde bolýy múmkin.
Basqa kandıdattar arasynda burynǵy Sý energetıka jáne kómirsýtekter mınıstri Ibragım Abe Sılla men burynǵy Syrtqy ister mınıstri Makale Kamara saılaýda jaqsy nátıje kórsetýi múmkin.
Eske salaıyq, Donald Tramp qoldaǵan kandıdat Nasrı Asfýra Gondýrasta ótken prezıdent saılaýynda jeńiske jetti.
Al Brazılııanyń burynǵy prezıdenti Jaır Bolsonarý kelesi jyly ótetin prezıdent saılaýynda óz uly — senator Flavıo Bolsonarýdyń kandıdatýrasyn qoldaıtynyn málimdedi.