Gvıneıada el prezıdentine qastandyq jasaldy
ASTANA. Jeltoqsannyń 4-i. QazAqparat - Gvıneıada beısenbi kúni el prezıdenti Musa Dadı Kamaraǵa qastandyq jasaldy,
dep habarlaıdy ITAR-TASS agenttigi.
Gvıneıa elordasy - Konakrıde oryn alǵan qastandyqtyń saldarynan Musa Dadı Kamara jeńil jaraqat aldy. Oǵan qarsy shabýyldy el armııasynyń áskerı qyzmetkerleri jasap otyr, dep habarlady bılik ókilderi. Olardyń naqtylaýynsha, Gvıneıa basshysynyń ómirine qazirgi tańda eshqandaı qaýip joq, dep habarlaıdy Associated Press.
Beıresmı málimetter boıynsha, Gvıneıa úkimetinde aǵymdaǵy jyldyń qyrkúıek aıyndaǵy oqıǵadan keıin jikke bólinýshilik oryn alǵan. Esterińizge sala keteıik, qyrkúıektiń 28-inde el áskeri Konakrıde halyq sherýine qarsy oq atqan bolatyn. Úkimettiń derekterine qaraǵanda, 57 adam qaza tapqan, al quqyq qorǵaýshylar 157 adamnyń mert bolǵany týraly málimetti aıtýda.
M.D.Kamara áskerı tóńkeristiń saldarynan 2008 jyly jeltoqsannyń 24-inde Gvıneıa basshylyǵyna kelgen áskerıler tobynyń basynda tur. Onyń ókilettik merzimi 2010 jyldyń jeltoqsan aıynda aıaqtalady, eldegi prezıdenttik saılaý osy merzimge belgilengen.
