Gvıneıada eki adamnyń Ebola bezgegin juqtyrǵany anyqtaldy
ASTANA. QazAqparat - Gvıneıada Ebola bezgegin juqtyrǵan eki jaǵdaı tirkeldi, - dep habarlady «VVS» agenttigi.
Ekeýi de bir otbasy múshesi. Budan buryn olardyń úsh týysqany bezgekti juqtyryp, indet saldarynan qaıtys bolǵany anyqtaldy.
Úkimet olar turatyn aýylǵa oqshaýlaý rejim endirdi. Aýdanǵa vaktsına qory jetkizilgenin málimdedi.
Beısenbi Dúnıejúzilik densaýlyq saqtaý uıymy 42 kún ishinde bezgek juqtyrǵan jańa jaǵdaılar baqylanbaǵannan keıin kórshi el - Serra-Leonda Ebolanyń taralýy aıaqtalǵany týraly resmı málimdeme jasaǵan bolatyn.
Budan buryn DDSU jekelegen jaǵdaılarda onyń qaıta paıda boly múmkin ekenin eskertken, sebebi bezgek ustaǵan aǵzada vırýs saqtalyp qalýǵa qabiletti.
Batys Afrıkada Ebola bezgeginiń taralýy saldarynan 2013 jylǵy jeltoqsannan bastap 11 myńnan astam qaza tapqan.
