Gvıneıa shyǵanaǵynda júk kemesinen Reseı azamatyn urlap ketti
MÁSKEÝ TASS-QazAqparat – Reseı elshiligi Ekvatorly Gvıneıa sýlarynyń aýmaǵynda júk kemesiniń bortynan reseılik azamattyń urlanǵanyn rastady, dep habarlaıdy QazAqparat tilshisi TASS agenttigine silteme jasap.
«Iá, bizde reseılik azamattyń biriniń urlanǵany týraly aqparat bar. Reseılik taǵy eki azamat Ekvatorly Gvıneıanyń astanasy Malabo qalasyndaǵy aýrýhanada jatyr», - dep málim etti TASS-qa Ekvatorly Gvıneıa Respýblıkasynda mindetin qosa atqarýshy RF-nyń Kamerýndaǵy elshiliginiń qyzmetkeri.
Dıpmıssııa ókili sonymen qatar Gvıneıa shyǵanaǵyndaǵy DJIBLOHO kemesinde ǵylymı-zertteý bortynan reseılik taǵy eki azamattyń urlanǵany týraly aldyn ala aqparat baryn atap ótti.
«Biz qazir bul málimetti tekserip jatyrmyz. Alaıda, ol istiń anyq-qanyǵyn bilmeımiz», - dedi dıplomat.
Senbi kúni teńizdegi qaýipsizdik salasyna mamandanǵan Dryad Global portaly Gvıneıa shyǵanaǵynda pırattar RIO MITONG júk kemesine shabýyl jasaǵanyn habarlady. Jyldam júretin qaıyqpen belgisiz adamdar Malabo portynan eki mıl jerdegi kemege jaqyndap, bortqa kóterilgen. A ldyn ala málimet boıynsha, pırattar ekıpajdyń eki múshesi - Reseı men Ýkraına azamatyn alyp ketken. Ekıpajdyń qalǵan músheleri - qaýipsiz jaǵdaıda.
