Gvıneıa shyǵanaǵynda pırattar tankerge shabýyl jasady
NUR-SULTAN. QazAqparat – Pırattar kemeni basyp almaq bolǵan, biraq tanker shuǵyl áreket etip, qutylyp ketti, dep habarlaıdy QazAqparat Trade Winds portalyna silteme jasap.
Teńiz qaraqshylary juma kúni Nıgerııa jaǵalaýyndaǵy Gvıneıa shyǵanaǵynda Bermýd araldarynyń týy astynda júzetin suıytylǵan gaz tasymaldaıtyn LNG LAGOS II tankerine shabýyl jasady.
Keıbir teńiz portaldarynyń jazýynsha, pırattar bortqa kóterile alǵan. Biraq barlyq komanda músheleri qaýipsiz jerge ornalasyp úlgerdi. Olar Nıgerııanyń teńizde qaýipsizdikti qamtamasyz etý qyzmetine shabýyl jaıly habarlap, kómek kútken.
Kanar araldarynan shyqqan tanker qazir Nıgerııanyń Bonnı portyna qaraı jyljyp barady.
