Gvıneıa shyǵanaǵynda pırattar kemege shabýyl jasady
NUR-SULTAN. QazAqparat – Sársenbi kúni Gvıneıa shyǵanaǵynda pırattar Marshall araldarynyń týymen júzgen JANE suıyq hımııalyq zattardy tasymaldap júrgen kemege shabýyl jasady. Bul týraly QazAqparat teńizdegi qaýipsizdik máseleleri boıynsha mamandandyrylǵan Dryad Global portalyna silteme jasap habarlaıdy.
Pırattar ashyq teńizde júzgen, benındyq Kotoný kemejaıynan ońtústik-shyǵysqa qaraı 70 teńizdik mılde ornalasqan kemeni basyp alýǵa árekettenip jatyr. Ázirge ekıpaj quramynyń sany men onyń músheleriniń azamattyǵy jarııalanbaı otyr.
Bul – Gvıneıa shyǵanaǵynda sońǵy alty kúnniń ishinde kemelerge jasalǵan altynshy pırattyq shabýyl.
Búginde Gvıneıa shyǵanaǵy pırattar tarapynan jasalatyn shabýyl jıi oryn alatyn álemdik muhıt aýmaǵyndaǵy eń qaýiptisi bolyp tabylady. Halyqaralyq teńiz bıýrosynyń (IMB) málimetinshe, aǵymdaǵy jyldyń alǵashqy toǵyz aıynda Gvıneıa shyǵanaǵynda pırattar keme borttarynan 80 teńizshini tutqynǵa alǵan, bul – teńizde urlanatyn adamdardyń jalpy sanynyń 95 paıyzy.
