Gvıneıa shyǵanaǵynda qaraqshylar «Davide» tankerine shabýyl jasap, ekıpajdyń 15 múshesin tutqynǵa aldy
PRETORIıA. QazAqparat – Teńiz qaraqshylary Nıgerııa jaǵalaýyndaǵy Gvıneıa shyǵanaǵynda «Davide» tankerine shabýyl jasap, ekıpajdyń 15 múshesin tutqynǵa aldy, dep habarlaıdy QazAqparat.
Tanker Malta jalaýymen suıyq hımııalyq zattardy tasymaldap bara jatqan.
Bul týraly juma kúni teńizdegi qaýipsizdik máselelerine mamandandyrylǵan «Trade Winds» portaly habarlady. Toǵyz adamnan turatyn qarýly qaraqshylar toby 11 naýryzda tankerge kóterilip, ekıpajdyń 21 múshesiniń 15-in tutqynǵa alǵan. Óz kezeginde Dryad Global portaly tanker komandasy Ýkraına, Rýmynııa jáne Fılıppın azamattarynan turatynyn aıtady.
Qaraqshylardyń shabýyly kezinde keme Nıgerııanyń erekshe ekonomıkalyq aımaǵynyń shyǵys shekarasynan nebári 9 mıldeı jerde bolǵan.
