Gvıneıa: Ebola qandy bezgegine shaldyqqandar termaldy kameramen anyqtalady
ASTANA. QazAqparat - Gvıneıa bıligi Ebola qandy bezgeginiń taralýyna tosqaýyl qoıýǵa tyrysýda. Osy afrıkalyq elde qaýipti dertten ajal qushqandardyń sany júzden asyp tústi, dep jazady sheteldik BAQ.
Taǵy 10 adam kórshiles Lıberııada kóz jumdy. Endi Konakrı áýejaıynda termaldyq kamera ornatylyp, ol Gvıneıa astanasynan ketip bara jatqan jolaýshylardan bul qaterli vırýsty anyqtaýǵa kómektesedi. Apparat avtomatty túrde adamnyń dene qyzýyn anyqtap, temperatýra 38 gradýstan joǵary bolsa , onda medıtsına qyzmetkerleri jolaýshyny tyńǵylyqty tekserýge kirisedi. «Shekarasyz dárigerler» uıymynyń qyzmetkeri Tım Djagatıktiń aıtýynsha, eger dertke shaldyqqan adam eń bastapqy kezinde em qabyldaýǵa kelse, onda adamdardy aman alyp qalý yqtımaldyǵy joǵary. Dúnıejúzilik densaýlyq saqtaý uıymynyń habarlaýynsha, Batys Afrıkadaǵy Ebola qandy bezgegi oshaǵynyń qaýiptiligi joǵary. Aıta keteıik, Ebola qandy bezgegi 1976 jyly Sýdan men Zaır memleketteriniń aýmaǵynda alǵash ret anyqtalǵan bolatyn. Bul dertke shaldyqqandardyń 90 paıyzy tiri qalmaıtyny belgili.
