Gvıneıa-Bısaýda áskerı tóńkeristen keıin ýaqytsha prezıdent taǵaıyndaldy
ASTANA. KAZINFORM — Beısenbi kúni, memlekettik tóńkeristen bir kún ótken soń, Gvıneıa-Bısaýdyń áskerı kúshteri general Orta N’Tamdy aldaǵy bir jylǵa eldiń ýaqytsha basshysy etip taǵaıyndady, dep habarlaıdy BBS.
Buǵan deıin qarýly kúshter eldi óz baqylaýyna alǵanyn málimdegen. Gvıneıa-Bısaý prezıdenti Ýmarý Sıssoko Embalo Jeune Afrique jýrnalyna bergen suhbatynda sársenbi kúni túske taman jeke jumys kabınetinde tutqyndalǵanyn jáne buny memlekettik tóńkeris jasaý áreketi dep ataǵanyn aıtty.
Onymen birge Qarýly kúshter Bas shtabynyń bastyǵy, onyń orynbasary jáne Іshki ister mınıstri de qamaýǵa alynǵan.
— Men Joǵary qolbasshylyqty basqarý úshin jańa ǵana ant berdim, — dedi general Orta N’Tam armııa shtaby ǵımaratynda ant qabyldaǵannan keıin.
Baspasóz máslıhatynda ol óziniń taǵaıyndalýy «demokratııaǵa qaýip tóndiretin áreketterdiń aldyn alý úshin» qajet bolǵanyn málimdedi.
Ofıtserler toby telearna arqyly saılaý úderisiniń toqtatylǵanyn jáne eldi kelesi nusqaýlarǵa deıin basqaratynyn jarııalady. Sondaı-aq áskerı kúshter «Qoǵamdyq tártipti qalpyna keltirý jónindegi Joǵary áskerı qolbasshylyq» qurylǵanyn málimdep, halyqty sabyr saqtaýǵa shaqyrdy jáne el shekaralarynyń jabylǵanyn habarlady.
Beısenbi kúni Afrıka odaǵy men EKOVAS baqylaýshy mıssııalarynyń basshylary tóńkeris týraly habarǵa baılanysty «asa alańdaýshylyq» bildirdi. Afrıka odaǵynyń tóraǵasy Mahmýd Alı ıÝsýf H áleýmettik jelisinde prezıdent Embalo men barlyq qamaýǵa alynǵan laýazymdy tulǵalardy «shuǵyl ári sózsiz bosatýdy» talap etip, taraptardy ustamdylyqqa shaqyrdy.
Gvıneıa-Bısaý — Afrıkadaǵy eń kedeı memleketterdiń biri. 1974 jyly táýelsizdik alǵanǵa deıin Portýgalııanyń otary bolǵan. Sońǵy 55 jyl ishinde el toǵyz ret áskerı tóńkeris pen tóńkeris jasaý áreketin bastan ótkerdi. Tek prezıdent Ýmarý Sıssoko Embalonyń ózin bılikten taıdyrýǵa eki ret áreket jasalǵan.
Eske sala ketsek, buǵan deıin Gvıneıa-Bısaýda memlekettik tóńkeris bolyp, ásker bılikti óz baqylaýyna alǵanyn jazdyq.