Gvıneıa-Bısaýda áskerı tóńkeris boldy
ASTANA. 15 sáýir. QazAqparat - Gvıneıa-Bısaýda ótken juma kúni áskerı tóńkeris bolyp, sarbazdar men ofıtserler eldiń ýaqytsha prezıdenti men premer-mınıstri Raımýndo Pereırý men Karlos Gomesti tutqynǵa aldy, dep habarlady Agence France-Presse.
Jergilikti armııa qolbasshylyǵy ókimet bıligin óz qoldarynda qaldyrmaı, azamattyq úkimetke tapsyrý nıeti týraly málimdeme taratty.
Áskerılerdiń aıtýynsha, olar qazirgi bılikti qulatýǵa amalsyz qadam jasaǵan, óıtkeni el basshylyǵy men Angola arasyndaǵy qupııa kelisimdi estip bilgen. Bul aqparat boıynsha, prezıdent pen premer «sheteldik áskerdiń kúshimen Gvıneıa-Bısaýdyń qarýly kúshterin joımaq» bolǵan.
El astanasy - Bısaý qalasynyń kóshelerinde áskerı torýyldar jáne blok-beketter paıda boldy. Áskerıler ásirese úkimettik aımaqqa kóptep shoǵyrlanǵan. Ázirge tóńkeristi bastaǵan kim ekeni jáne eldegi jaǵdaıǵa kim jaýap beretini belgisiz.
Búlik prezıdenttik saılaýdyń birinshi jáne ekinshi týry aralyǵynda boldy, oǵan Karlos Gomes te qatysyp jatqan bolatyn. Resvı málimetter boıynsha, ol birinshi týrda 49 paıyz daýys jınaǵan, al basty opppozıtsıoner Kýmba ıAla - 23 paıyz daýysqa ıe bolǵan. ıAla birinshi týrdan keıin saılaý barysynda óreskel zań buzýshylyqtar oryn alǵandyǵyn málimdep, kelesi týrǵa qatysýdan bas tartty.
AQSh, Portýǵalııa (burynǵy kolonıaldyq derjava) jáne Batysafrıkandyq memleketterdiń ekonomıkalyq qoǵamdastyǵy tóńkeristi aıyptady jáne áskerılerdi bılikti zańdy saılanǵan úkimetke qaıtarýǵa shaqyrdy.
Gvıneıa-Bısaý - álemniń kedeı memleketteriniń biri. Paıdaly qazbalar bolǵanmen, ol ıgerilip jatqan joq, ónerkásip joqqa tán. Bul el Afrıkadan Eýropaǵa esirtki tasymaldaýdyń basty bazasy bolyp sanalady.
Táýelsizdik alǵannnan beri osy kezge deıin eldiń birde-bir basshysy óziniń merzimin aıaǵyna deıin atqara alǵan joq. Úsheýin áskerıler qulatty, bireýin olar atyp tastady, tórtinshisi - 2012 jyldyń qańtarynda óz ajalynan qaıtys boldy.
