Gvıneıa-Bısaýda ásker bılikti óz baqylaýyna alǵanyn málimdedi
ASTANA.KAZINFORM — Gvıneıa-Bısaýda áskerı kúshter eldi tolyq baqylaýǵa alǵanyn málimdedi dep jazdy Belta Jeune Afrique basylymyna silteme jasap.
Áskerıler sondaı-aq «saılaý protsesin» toqtatatynyn jáne shekaralardy jabatynyn jarııalady. Basylymnyń málimetinshe, bul málimdeme astana Bıssaýdaǵy armııa shtabynda oqylǵan.
Buǵan deıin Gvıneıa-Bısaý prezıdenti Ýmarý Sısoký Embalo elde memlekettik tóńkeris bolǵanyn ózi habarlaǵan edi. Onyń aıtýynsha, ol prezıdenttik saraıdaǵy jumys bólmesinde áskerı qyzmetkerler tarapynan qamaýǵa alynǵan. Prezıdent sonymen birge Qarýly kúshterdiń Bas shtabynyń bastyǵy, onyń orynbasary jáne ishki ister mınıstri de tutqyndalǵanyn aıtty.
23 qarashada elde prezıdent saılaýy ótken. Resmı nátıjeler beısenbi kúni jarııalanýy tıis bolatyn.
Aıta keteıik, Bolıvııa generaly sátsiz tóńkeristen keıin qamaýǵa alyndy.