Gvıneıa-Bısaý quramasynyń qorǵaýshysy «Qaısarda» synaqtan ótedi
QYZYLORDA. QazAqparat - Qyzylordalyq «Qaısar» komandasynyń Túrkııada ótip jatqan oqý-jattyǵý jıynynda Gvıneıa-Bısaý quramasynyń qorǵaýshysy synaqqa keldi, dep habarlaıdy QazAqparat tilshisi.
Prosper Mendı 1996 jyldyń 7 maýsymynda Frantsııa astanasy Parıj qalasynda dúnıege kelgen. Sol eldiń jáne Belgııa, Ispanııa klýbtarynda fýtbolǵa qadam basty. 2019 jyly kásipqoı fýtboldaǵy alǵashqy qadamyn Ispanııanyń «Badahos» klýbynda bastap, odan keıin frantsııalyq «Montfermeıl», norvegııalyq «Stremsgodset», belgııalyq «Vırton» jáne bolgarııalyq «Spartak Varna» klýbtarynda dop tepti.
Sondaı-aq, qyzylordalyq komanda synaǵyna Býrkıno-Faso ókili Ben Azız Zagre, moldovalyq qaqpashy Stepan Sıkach, ýkraınalyq Vıtalıı Prındeta, belarýstik Dmıtrıı Borodın, qazaqstandyq Qýanysh Qalmuratov pen Ádilet Keńesbek keldi.
Eske salsaq, búgin, 11 qańtarda «Qaısar» Ázerbaıjannyń «Shamahy» klýbymen joldastyq kezdesý ótkizedi. Odan keıin 6 qańtarda Kosovonyń «Balkanı», 18 qańtar Ázerbaıjannyń «Kıapaz», 23 qańtarda Serbııanyń «Radnıchkı» klýbtarymen sheberlik baıqasady. Al, 25 qańtarda Bolgarııanyń «Lokomotıv» (Sofııa) komandasymen kezdesse, 26 qańtarda serbııalyq «Vojdavatspen» oınaıdy.
