Gvıneıa-Bısaý Qazaqstan spýtnıkterine qyzyǵýshylyq tanytady dep senemiz – Jaslan Mádıev

ASTANA. KAZINFORM – Qazaqstan spýtnıgin ımporttaýǵa qyzyǵýshylyq tanytqan elderdiń qataryn Gvıneıa-Bısaý tolyqtyrýy múmkin. Bul týraly Aqordada Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev aıtty.

- Tsıfrlyq damý mınıstrligi men Gvıneıa-Bısaýdyń Kólik jáne tsıfrlyq damý mınıstrligi ІT salasyn birge damytý týraly memorandýmǵa qol qoıady. Sonymen qatar Gvıneıa-Bısaý Prezıdenti Ýmarý Sısoký Embalonyń «Qazaqstan ǵarysh sapary» kompanııasynda kezdesýi ótedi. Spýtnıkterdi qurastyrý keshenin kórsetemiz. Olarǵa Qazaqstannyń spýtnıkterin ımporttaýdy usynamyz. Osyndaı kelisimshartqa shyǵýǵa tyrysamyz, - dedi mınıstr.

Onyń atap ótýinshe, Mońǵolııa, Kongo, Qyrǵyz Respýblıkasy tarapynan Qazaqstan spýtnıkterin eksporttaýǵa qyzyǵýshylyq bar.

- Bizge spýtnıktik toptama qurastyramyz. Olardan da qyzyǵýshylyq bolady dep senemiz, - dedi Jaslan Mádıev.

Aıta keteıik, búgin Aqordada elimizge resmı saparmen kelgen Gvıneıa-Bısaý Prezıdenti Ýmarý Sısoký Embalo men Memleket basshysy Qasym-Jomart Toqaev arasynda joǵary deńgeıdegi kelissózder ótip jatyr.