Gvıneı shyǵanaǵynda túrik kemesine qaraqshylar shabýyldap, 15 teńizshi tutqynǵa alyndy
Bul týraly jeksenbi kúni Anadoly agenttigi jazdy, dep habarlaıdy QazAqparat reseılik TASS agenttigine silteme jasap.
Agenttiktiń málimetinshe, qaraqshylyq shabýyl senbi kúni keme San-Tome qalasynan 160 km qashyqtyqta ketip bara jatqanda jasalǵan. Nátıjesinde ekıpajdyń 19 múshesiniń 15-i qutqyndaldy, 1 adam qurban boldy.
Qurban bolǵan azamattyń Ázerbaıjan týmasy ekeni anyqtaldy. Túrkııa Prezıdenti Taııp Erdoǵan qaraqshylar basyp alǵan konteıner tasymaldaýshy keme kapıtany Fýrkan ıArenmen telefon arqyly eki ret sóılesti.
Túrkııa basshysyna kemeniń bortta aman qalǵan 3 teńizshimen birge Gabonǵa qaraı ketip bara jatqany aıtyldy.
El prezıdenti jaǵdaıdy jiti baqylap otyr jáne ol tutqynǵa alynǵan azamattardy qutqarý úshin qodan kelgennniń bárin isteý týraly tapsyrma berdi.
Buǵan qosa, Túrkııa Syrtqy ister mınıstri Mevlıýt Chavýshogly ázerbaıjandyq áriptesi Djeıhýn Baıramovpen telefon arqyly sóılesip, qurban bolǵan teńizshige baılanysty kóńil aıtty. Tutqyndalǵan ekıpaj múshelerin izdeý jumystaryna Túrkııanyń kórshiles elderdegi elshilikteri de jumyldyryldy.
