Gvatemalanyń eks-prezıdenti bıýdjet qarajatyn urlady degen aıyppen sotqa tartylady
ASTANA. Tamyzdyń 20-sy. QazAqparat - Gvatemalanyń burynǵy prezıdenti Alfonso Portılo bıýdjet qarajatyn urlady degen aıyptaýmen óz eliniń sotyna tartylady.
Gvatemalanyń resmı ókilderine silteme jasaǵan VVS radıostansasynyń habarlaýynsha, 2000-2004 jyldary prezıdent bolǵan A.Portılo birneshe mıllıon dollar memleket qarajatyn talan-tarajǵa salǵany úshin aıyptalyp otyr.
2008 jyly A.Portılo sotqa tartylǵan bolatyn, biraq keıinnen ol kepildikpen bostandyqqa shyǵarylǵan.
