Gvatemaladaǵy Fýego janartaýy atqylap, 1,7 mln adam kóshirildi
ASTANA. QazAqparat - Gvatemaladaǵy Fýego janartaýynyń atqylaýyna baılanysty 1,7 mln adam qaýipsiz aımaqqa kóshirildi. Bul týraly jeksenbi kúni keshkisin Tabıǵat apattarynyń saldarymen kúres ulttyq úılestirý ortalyǵynyń basshysy Serhıo Kabanıas málim etti, dep habarlaıdy QazAqparat TASS agenttigine silteme jasap.
Gvatemalada 17 mln adam turady.
Ulttyq výlkanologııa, seısmologııa jáne meteorologııa ınstıtýty mamandarynyń baǵalaýynsha, janartaý teńiz deńgeıinen 10 shaqyrym bıiktikke deıin kúl shashyp jatyr. Fýego Gvatemala aýmaǵyndaǵy eń belsendi janartaýlardyń biri, ol respýblıka astanasynan ońtústik-batysqa qaraı 40 shaqyrym qashyqtyqta ornalasqan.
Tabıǵı apat saldarynan adamdar qaza tapty. Budan buryn jeksenbi kúni Eskýıntel mýnıtsıpalıtetindegi San-Mıgel-Los-Lotes eldi mekeninde lava atqylaǵan edi. Bıliktiń deregi boıynsha, kem degende 7 adam mert bolyp, 300 turǵyn zardap shekken.
Gvatemala prezıdenti Djımmı Morales turǵyndardy janartaýdyń atqylaýyna baılanysty bıliktiń usynymdaryn oryndaýǵa shaqyrdy jáne birqatar elderdiń úkimetine qoldaý tanytqandaryy úshin alǵys aıtty.
