Gvatemalada jolaýshylar mingen avtobýs jaryldy
ASTANA. 4 qańtar. QazAqparat - Gvatemalada qalalyq avtobýsta bolǵan jarylystyń saldarynan keminde 5 adam qaza bolyp, onǵa tarta adam jaraqattandy, dep habarlady Bı-Bı-Sı agenttigi.
Polıtsııanyń paıymdaýynsha, jarylys avtobýs salonyna kúni buryn qoıylǵan jarylǵysh qondyrǵynyń saldarynan bolýy múmkin. Oqıǵanyń mán-jaıy ázirge habarlanbaǵan.
Eske sala keteıik, Gvatemalada qoǵamdyq kólik qylmystyq toptardyń shabýylyna jıi ushyraıdy. Quqyq qorǵaý uıymdarynyń málimetteri boıynsha, 2010 jyly 150-den astam avtobýs júrgizýshileri qazaǵa ushyraǵan.
