Gvatemalada janartaýǵa shyqpaq bolǵan alty adam ajal qushty
ASTANA. QazAqparat - Gvatemalada Akatenango janartaýyna shyqpaq bolǵan alty adam qaza tapty. Bul týraly ulttyq apat saldarymen kúres ortalyǵy habarlady. Týrıster úsip ólgen.
Olar birneshe top bolǵan. Qaıǵyly jaǵlaı janartaý aýmaǵynda kún kúrt sýytyp ketkennen keıin oryn alǵan. Týrıster túndi ótkizbek bolǵan shatyrda jel gýlep turǵan. Olardyń sýyqtan qorǵanýǵa esh múmkindikteri bolmaǵan. Qazir janartaýda qutqarý operatsııasy jalǵasýda.
Akatenango janartaýy Gvatemalanyń ońtústik-batysynda Chımaltenango departamentinde ornalasqan.
