Gvatemalada janartaýdyń atqylaýynan qaza bolǵandar sany 109-ǵa jetti
ASTANA. QazAqparat - 3 maýsym kúni bastalǵan Gvatemaladaǵy Fýego janartaýynyń atqylaýy saldarynan qaza bolǵandar sany 109 adamǵa jetti, dep habarlaıdy QazAqparat Reuters agenttigine silteme jasap.
Atap ótilgendeı, beısenbi kúni qutqarýshylardyń jumystary qaýipti jaǵdaılarǵa baılanysty ýaqytsha toqtatyldy.
Bul Fýego janartaýynyń sońǵy qyryq jylda eń qýatty atqylaýy. Joıqyndy lava úlken jyldamdyqpen jyljyp, jaqyn ornalasqan qalalarǵa, ondaǵy 1,7 mln adamǵa zardabyn tıgizdi. Buǵan deıin ajal qushqan 69 adam týraly aıtylǵan edi.
Adamdardyń qaza bolýlaryna baılanysty Gvatemalada qaraly kún jarııalandy.
Ispan tilinde «jalyn janartaýy» dep atalatyn Volcan de Fuego-nyń bıiktigi 3,7 shaqyrym. Ol el astanasy Gvatemaladan 40 shaqyrym qashyqtyqta ornalasqan.
