Gvatemalada túrmedegi búlik saldarynan alty adam qaza tapty
BÝENOS-AIRES. QazAqparat - Gvatemalanyń Kantel mýnıtsıpalıtetinde túrmede bolǵan búlik saldarynan kem degende alty adam mert boldy. Bul týraly QazAqparat KTIV telearnasyna silteme jasap habarlaıdy.
Materıalda naqtylanǵandaı, túrmedegi búlik qamaýǵa alynǵandarǵa jaqyndary kelip-ketý saǵattary aıaqtalǵan soń bastalǵan.
«Aldyn ala málimetke sáıkes, qaza tapqan alty adam týraly habarlanyp otyr, - dep jazady polıtsııa qyzmetinen.
Prensa Libre gazetiniń jazýynsha, túrmedegi tártipsizdikter bir-birine qarsy turǵan qylmystyq toptardyń teketiresinen bastalǵan. Basylym málimetinshe, 900 adamǵa eseptelgen penıtentsıarlyq mekemede 2252 adam qamaýda otyr.
