Gvatemalada tasqyn sýdyń saldarynan opat bolǵandardyń sany 90 adamnan asty
ASTANA. Maýsymnyń 1-i. QazAqparat - Gvatemalada tabıǵattyń tosyn mineziniń saldarynan qurban bolǵandardyń sany 90 adamnan asty, «Agata» tropıkalyq daýylynyń nátıjesinde taǵy 80 adam iz-túzsiz joǵalyp ketip otyr. Bul týraly málim etken Gvatemala úkimeti, eldiń túrli aýdandarynan qaza bolǵandar týraly málimetterdiń áli de túsip jatqanyn habarlaýda.
Apat bolǵan aýdandarda jumys istep jatqan qutqarýshylar brıgadalary men jergilikti bılik ókilderi apattyń jańa qurbandary týraly habarlap otyr. Olar tasqyn sýdyń ekpininen qıraǵan úılerdiń úıindileriniń astynan máıitter taýyp jatyr. Úkimet ókilderiniń habarlaýynsha, Gvatemalada eń qaýipti degen aýdandardan qazirdiń ózinde 112 myńnan astam adam basqa jaqqa kóshirildi. Tasqyn sý kóptegen turǵyn úıler men kópirlerdi shaıyp ketip otyr, kúre joldarǵa da biraz zııan kelgen, aýyl sharýashylyǵy qatty zardap shekti.
Materıaldyq shyǵynnyń mólsheri ázirge naqtylanǵan joq. Qazirgi tańdaǵy basty mindet - adamdardy qutqarý.
