Gvatemalada sel júrýi saldarynan 26 adam qaza taýyp, 600-den astamy iz-tússiz joǵaldy
ASTANA. QazAqparat - Gvatemalanyń ortalyq bóligindegi Santa-Katarına-Pınýla mýnıtsıpalıtetinde bolǵan sel aǵyny saldarynan kem degende 26 adam qaza tapty. Bul týraly Reuters agenttigine silteme jasap, TASS habarlap otyr.
Qaıǵyly oqıǵa saldarynan 600-den asa adam iz-tússiz joǵaldy. Tabıǵı apattar saldaryna qarsy kúres jónindegi Ulttyq úılestirý ortalyǵynyń basshysy Alehandro Maldonadonyń málimdeýinshe, 34 adamdy qutqaryp, qaza tapqan toǵyz adamnyń múrdesin shyǵarý múmkin boldy. Oqıǵa ornynda izdeý-qutqarý jumystary jalǵasýda, oǵan ásker bólimsheleri men júzdegen eriktiler jumyldyrylǵan. Ortalyqamerıkalyq eldiń bıligine BUU, AQSh, Meksıka jáne Kýba tarapynan kómek usynyldy.
