Gvatemalada oryn alǵan stýdenttik tártipsizdik barysynda eki mınıstr jaralandy
ASTANA. 3 shilde. QazAqparat - Gvatemalada dúısenbi kúni, 2 shildede tártipsizdikke ulasqan stýdentterdiń narazylyq sherýi barysynda 50 adam, onyń ishinde 2 mınıstr zardap shekti,
dep habarlady RosBıznesKonsaltıng Fox News-ke silteme jasaı otyryp.
Tártipsizdikter sherýge qatysýshylar bilim reformasynyń júıesine qarsylyqtaryn bildirý úshin ortalyq alańǵa jınalǵanda bastaldy, sol kezde sharalardyń birinde bilim mınıstri Sıntııa del Agıla bolǵan. Sherýshiler mınıstrdi kepildikke almaq bolǵan kezde polıtsııa qyzmetkerlerimen qaqtyǵystar bastalyp ketken.
Sherýshilerdi kóz jasaýratatyn gazben qýý kezinde Sıntııa Del Agıla ýlanyp, aýrýhanaǵa jetkizildi. Іshki ister mınıstri Maýrıso Lopes Bonılıa sherýshilerdiń biri laqtyrǵan aýyr zatpen jaraqattanǵan. Degemen ol aýrýhanaǵa barýdan bas tartyp, qarýly kúshterdiń jumysyn baqylaýǵa kiristi. Zardap shekkenderdiń ishinde bilim jáne ishki ister mınıstrliginiń 6 qyzmetkeri men 12 jýrnalıst bar. Olar qazirgi ýaqytta aýrýhanaǵa jetkizilip, medıtsınalyq kómek kórsetilýde.
