Gvatemalada maııa baqsylary aqyrzamandy qarsylaýdy bastady
ASTANA. 21 jeltoqsan. QazAqparat - Maııanyń qasıetti oryndaryn tazartý rásimimen Gvatemalada 21 jeltoqsandy qarsylaý bastaldy, dep habarlady Rostbalt.
Kóptegen adamdar bul kúni aqyrzaman bolady dep júr. Gvatemalada turatyn ejelgi maııa, garıfýna, shınka halyqtarynyń ókimeti uly keńesiniń hatshysy Alberto Marrokınanyń aıtýynsha, bul kún maııa mádenıetiniń jańa tań shapaǵyn bildiredi. El aýmaǵynda 20 qasıetti oryndar tazartylady.
Abyzdar búkil adamdardy zikir salýǵa shaqyrdy. Olardyń aıtýynsha, osylaı ǵana jer-anany saqtap, Ǵalamsharda ómiri súrip jatqan adamdar arasynda baýyrlastyqqa jetýge bolady.
Gvatemala ákimshiligi elde maııa kúntizbesi tsıkliniń aıaqtalýyn jáne jańa dáýir bastalýyn merekeleýge keminde 200 myń týrıst keledi dep topshylaýda. Osy kúnge deıingi bir apta buryn arheologııalyq aımaqtarda túneıtin jer tabý múmkin bolmady.
Maııa kúntizbesine sáıkes 2012 jylǵy 21 jeltoqsanda bizdiń jyl sanaýymyzǵa deıin 3 myń jyl buryn bastalǵan uzaqqa sozylǵan tsıkl aıaqtalady. Osy kúni kúntizbe úzilgen, buǵan qarap adamdardyń kópshiligi úndister osylaısha aqyrzaman bolatynyn bildirdi dep oılaǵan. Kóptegen ǵalymdar boljamdarda aqyrzaman týraly eshqandaı sóz bolmaǵanyn málimdeıdi.
