Gvatemalada Maıa órkenıetiniń negizin qalaǵan patshaıymnyń múrdesi tabyldy
ASTANA. 7 qazan. QazAqparat - Gvatemalanyń soltústigindegi departamentterdiń birinde qazba jumystaryn júrgizý kezinde arheologtar Maııa halqynyń patshaıymy Kalomte Kabeldiń múrdesiniń qaldyqtaryn tapty,
dep habarlady brıtandyq The Daily Telegraph basylymy.
Ony 11 metrlik tereńdikte El-Perý (Vaka) kóne qalasynyń bas shirkeýinde amerıkandyq jáne gvatemalalyq arheologtar anyqtady. Kóne áıel basshy súıeginiń qaldyqtarymen birge arheologtardyń qoldaryna tarıhı qundylyqtar bolyp tabylatyn kóptegen zattar - qundy zattar, áshekeı buıymdar men gıps beıneler tústi. Aldyn ala boljam boıynsha, olar hanymnyń denesimen birge ólgennen keıin beriletin rıtýaldyq syılyq retinde qoıylǵan.
Arheologııalyq ekspedıtsııany basqaratyn antropolog Devıd Frıdeldiń aıtýynsha, bul olja kóne órkenıetti zertteýdiń búkil tarıhyndaǵy mańyzdylardyń biri bolyp tabylady.
Ǵalymdardyń pikirinshe, Kalomte Kabeldiń halyqty jıyrma jyldyq basqarý kezeńi bizdiń dáýirimizge deıingi 6 ǵasyrdyń aıaǵy - 7 ǵasyrdyń basyna keledi.
