Gvatemalada kóshkin saldarynan qurban bolǵandardyń sany 73 adamǵa jetti
ASTANA. QazAqparat - Gvatemalanyń Santa-Katarına-Pınýla kentinde kóshkin júrýi saldarynan qaza bolǵandar adamdardyń sany 73-ke deıin jetti, dep habarlady el prokýratýrasynan.
Taǵy 300-den astam adam áli kúnge deıin iz-tússiz joǵalǵanǵan dep eseptelýde. Qutqarýshylar úıindilerdi ashyp jatyr. Apat kezinen 72 saǵattan astam ýaqyt ótkeni, sondyqtan úıindilerdiń astynan tiri qalǵan adamdardy tabý múmkindigi óte az ekeni atap ótilýde.
Buǵan deıin 56 adamnyń qaza tapqany, 350-ge jýyq adamnyń iz-tússiz joǵalǵany týraly týraly habarlanǵan edi.
Eske sala keteıik, beısenbige qaraǵan túni Gvatemalanyń Santa-Katarına-Pınýla kentinde laı kóshkini júrdi. Sonyń saldarynan, sońǵy málimetter boıynsha 125-ke jýyq úı qıraǵan, dep jazady sheteldik BAQ.
