Gvatemalada burynǵy dıktatorlyq rejimniń eki sarbazy 120 jáne 240 jylǵa bas bostandyǵynan aıyryldy
ASTANA. QazAqparat - Gvatemala soty burynǵy eki áskerıdi 1980-shi jyldary bolǵan áskerı qaqtyǵys kezinde áıelderdi quldyqta ustap zorlaǵany úshin 120 jáne 240 jylǵa bas bostandyǵynan aıyrdy, dep habarlady Bı-Bı-Sı agenttigi.
Sottalýshylar úndis áıelderdi zańsyz tamaq ázirleýge jáne eldiń soltústigindegi áskerı bazany jınaýǵa májbúrlegen. Onda olarǵa sarbazdar zorlyq kórsetken.
Eks-áskerılerge japa shekkenderdiń keıbireýleriniń kúıeýlerin óltirdi degen aıyp taǵyldy. Jergilikti BAQ habarlaǵandaı, sot zalynda zorlyqtan japa shekken 11 áıel qatysty.
Rekordtyq uzaq túrmege qamaý sımvoldyqqa aınaldy, óıtkeni el zańy boıynsha maksımaldy túrmege qamaý merzimi 50 jyldy quraıdy.
2013 jyldyń mamyrynda Gvatemalanyń burynǵy prezıdenti Hose Efraın Rıos Montt 1980-shi jyldarda 1700 úndisti óltirý isi boıynsha 80 jylǵa sottaldy.
Alaıda, 2 jyldan keıin 89 jastaǵy eks-dıktator aqyl-esi aýysqan degen anyqtamamen sotqa qatyspady.
