Gvatemalada balalar úıi órtenip, 19 jasóspirim ajal qushty
ASTANA. QazAqparat - Gvatemala astanasynan 25 shaqyrym jerde ornalasqan balalardy ońaltý ortalyǵynda órt bolyp, 19 jasóspirim tilsiz jaýdyń qurbany boldy. Taǵy 25 adamdy kúıik shalǵan jáne túrli jaraqat alǵan, dep habarlaıdy Bı-bı-sı.
Ázirge órttiń neden shyqqany belgisiz. Biraq ofıtserlerdiń biri jalyn matrastardy órtegennen taraǵan degen málimet bergen.
Ońaltý ortalyǵynda otbasynda zorlyq-zombylyq kórgen, qaraýsyz qalǵan, adam saýdasynyń qurbany bolǵan 18 jasqa deıingi balalar tárbıelenedi.
Oqıǵa bolar aldynda ortalyqta sherý bolyp, 60 bala qashyp ketken eken. Olar dóreki qarym-qatynas pen ómir súrý jaǵdaıynyń nasharlyǵyna shaǵymdanǵan. Bolǵan jaǵdaıǵa polıtsııa aralasýyna týra kelgen. Keı derekter boıynsha onda balalar jynystyq zombylyq kórgen bolýy múmkin.
Ortalyq 400 balaǵa shaqtalǵan, alaıda onda bolǵan balalar sany bul kórsetkishten áldeqaıda kóp bolǵan.
