Gvatemalada avtobýs kópirden qulap, 50-den astam adam qaza tapty
ASTANA.KAZINFORM - Gvatemalada jolaýshylar avtobýsy kópirden qulap, kem degende 51 adam qaza tapty, dep habarlaıdy BBC.
Adam lyq tolǵan avtobýs San-Agýstın Akasagýastlan qalasynan el astanasy Gvatemala qalasyna qatynaıtyn tas joldyń boıymen kele jatqan, dep habarlaıdy Reuters.
Júrgizýshi avtobýsty basqara almaı qalyp, qulaǵansha basqa kóliktermen soqtyǵysqan.
Órt sóndirý qyzmeti áleýmettik jelide jarııalaǵan fotosýretterde avtobýstyń jartylaı sýǵa batyp ketkeni jáne zardap shekkenderdiń denesi jatqanyn kórýge bolady.
Gvatemala qalasynyń meri Rıkardo Kvınones áleýmettik jelide oqıǵa ornyna tótenshe jaǵdaılar qyzmetiniń jóneltilgenin jáne jol polıtsııasy apat bolǵan aımaqta balama joldar qalyptastyrýmen aınalysyp jatqanyn aıtty.
Órt sóndirýshiler jýrnalısterge avtobýs bólshekteri astynda qalyp qoıǵan adamdardy qutqarý jumystary júrgizilip jatqanyn aıtty.
Jergilikti aqparat quraldarynyń habarlaýynsha, apattan 36 er adam men 15 áıel qaza tapqan. Ázirge qansha jolaýshynyń aman qalǵany belgisiz.
Equipo @muniguate apoyando, rescatan heridos.#TraficoGT https://t.co/5inIZbmZSm pic.twitter.com/nXNyUwpD7s
— PMT Ciudad de Guatemala (@PMTMuniGuate) February 10, 2025
Gvatemala prezıdenti Bernardo Arevalo úsh kúndik ulttyq aza tutý jarııalap, qaza bolǵandardyń týystaryna kóńil aıtty.
- Men búgin júrek aýyrtatyn jańalyqpen oıanǵan jol apatynan qurban bolǵan adamdardyń otbasylarymen birgemin. Olardyń qaıǵysy – meniń de qaıǵym, - dedi ol.
2024 jyldyń qarashasynda Pákistanda toı avtobýsy ózenge qulap, 22 adam qaza tapqan bolatyn.