Gvatemalada 600 keliden astam kokaın tárkilendi
MEHIKO. QazAqparat - Gvatemalada Panamadan kelgen kemeden 600 keliden astam kokaın tárkilendi. Bul týraly dúısenbide Gvatemala prokýratýrasy Twitter-de jazdy, dep habarlaıdy QazAqparat.
«Esirtkige qatysty qylmystarǵa qarsy kúres prokýratýrasy polıtsııamen birlesip, eki konteınerdi tekserý rásimin aıaqtady, olardan jalpy sany 616 býmaǵa salynǵan eki keliden astam kokaın tabyldy», - delingen habarlamada.
Esirtki partııasy eldiń Karıb teńizi jaǵalaýyndaǵy Santo-Tomas-de-Kastılıa portyna kirgen kemedegi eki konteınerdiń ishine jasyrylǵan.
Ótken jyly Gvatemalada 13,6 tonnadan astam kokaın tárkilengen bolatyn.
Esirtki saýdagerleri AQSh-qa esirtki jóneltilimderin tasymaldaý úshin Gvatemala aýmaǵyn jıi paıdalanady. Tasymaldaý úshin olar kóbinese qaıyqtar men jeńil ushaqtardy paıdalanady.
