Gvatemala turǵyndary qala merin tirideı órtep jiberdi
ASTANA. QazAqparat - Gvatemalanyń batysynda jergilikti turǵyndar Konsepson qalasynyń merin tirideı órtep jiberdi, dep jazady 24.kz.
Narazy top marqumnyń ústine janarmaı quıardan buryn ony úıinen alyp shyǵyp ábden tekpiniń astyna alǵan. Buǵan deıin qala merin saılaý kezinde saıası qarsylasy ony «jemqorlyq jasady, bıýdjet qarjysyn jelge shashty jáne laýazymyn asyra paıdalandy» dep aıyptaǵan bolatyn. Osy atyshýly málimdemeden keıin ótken aptada qylmyskerler aıyptaýshy saıasatkerge kólik ishinen oq jaýdyryp, qyzy men týys baýyryn óltiripti. Sodan saıasatkerdiń ózi men januıasynyń taǵy 4 múshesi jaralanǵan.
Aıta keteıik, 15 mıllıon halqy bar Gvatemala álemdegi eń qaýipti aımaqtardyń biri. Jyl basynan mamyr aıyna deıin bul elde 2500-ge jýyq adam ajal qushqan. 15 mıllıon halqy bar Gvatemalada kúnine 15 adam óledi. Karlos Balan, qala basshylyǵyna úmitker saıasatkerdiń aǵasy: - Bizge merdiń tarapynan qoqan-loqy kórsetken eskertýler boldy.
