Gvatemala el prezıdentimen birge aqyrzamanǵa daıyndala bastady
ASTANA. 20 jeltoqsan. QazAqparat - Bútin álem halqynyń aýzyndaǵy qaýeset - 21 jeltoqsanda bolatyn aqyrzamanǵa oraı,
Gvatemalada abyzdardyń basshylyǵymen maııa taıpasynyń qasıetti jerlerin alastaý rásimderi bastaldy. Bul týraly Reseı Jańalyqtar agenttiginen habarlady.
Abyzdar beıbitshilikke qoljetkizý jáne adam sanasyn ózgertý maqsatynda halyqtardyń, qoǵamdar men otbasylardyń yntymaǵy úshin barshany jalpy medıtatsııaǵa shaqyrady. Olardyń paıymynsha, tek osylaısha ǵana Jer-Anany saqtap qalýǵa jáne Jer betinde turatyn halyqtardyń shynaıy baýyrlastyǵyna jetýge bolady. 21 jeltoqsan kúni Gvatemalaǵa 200 myńǵa jýyq týrıst jınalady dep kútilýde. Negizgi is-sharalar el prezıdenti Otto Peres Molınniń jáne kóptegen sheteldik delegatsııalardyń qatysýymen Tıkal ulttyq saıabaǵynda ótedi.
Eske salaıyq, aqyrzaman týraly qaýesetter 2012 jyldyń 21 jeltoqsanymen aıaqtalatyn kóne úndi maııa taıpasynyń kúntizbesinen shyǵyp otyr. Osy kúni maııalyqtardyń boljaýynsha, Besinshi Kún Dáýiriniń uzaq esepti kezeńi aıaqtalady.
