Gýterrısh Pákistandaǵy teraktige baılanysty kóńil aıtty
ASTANA. KAZINFORM — BUU Bas hatshysy barlyq zardap shekkenderdiń tezirek saýyǵyp ketýin tiledi. Bul týraly ARP agenttigi 9 qarashada keshke dúnıejúzilik uıym basshysynyń resmı ókili Stefan Dıýjarrıkke silteme jasap habarlady.
BUU Bas hatshysy Antonıo Gýterrısh Pákistannyń Kvetta qalasyndaǵy shabýyldy aıyptap, qaza tapqandardyń otbasylaryna kóńil aıtty.
«Biz búgin tańerteń jasalǵan Kvetta qalasyndaǵy terrorlyq shabýyldy aıyptaımyz. Bas hatshy qaıtys bolǵandardyń otbasylaryna, Pákistan halqyna jáne Úkimetine kóńil aıtady. Ol barlyq zardap shekkenderdiń tezirek saýyǵyp ketýin tileıdi. Bul jıirkenishti shabýylǵa kináliler jaýapqa tartylady dep úmittenemiz», — dep keltirdi agenttik Dıýjarrıktiń sózin.
Eske salsaq, 9 qarashada Pákistannyń Belýdjıstan provıntsııasynda ornalasqan Kvetta qalasyndaǵy temirjol vokzalynyń janynda jarylys boldy. Saldarynan 25 adam qaıtys boldy, taǵy 62 adam zardap shekti.
